Serbiya prezidenti Boris Tadic indiyə qədər Kosovonun müstəqilliyini tanımayan ölkələrə xəbərdarlıq edib ki, Beynəlxalq Ədalət Məhkəməsinin Kosovonun müstəqilliyi məsələsində hökm çıxartmasına qədər məsələ ilə bağlı addım atmasınlar. Serbiya Kosovonun bir il əvvəl bir tərəfli olaraq
Serbiyadan müstəqilliyini elan etmə qərarı ilə bağlı Beynəlxalq Məhkəməyə
müraciət edib. Serbiya lideri deyib ki,
Kosovunun müstəqilliyini tanımaq barədə qərarlar məhkəmə prosesinə təsir göstərə bilər. BMT Təhlükəsizlik Şurası da Kosovonun müstəqilliyini
müzakirə edir. BMT baş katibinin Kosovo
üzrə xüsusi elçisi Lamberto Zanieri Təhlükəsizlik Şurasının iclasında deyib ki, Kosovonun bəzi
hissələrində gərginlik davam etsədə ümumilikdə regionda vəziyyət
sabitdir. Kosovonun müstəqilliyini indiyə qədər
56 ölkə tanıyıb.