Bir ildən
artıqdır vəzifəsindən uzaqlaşdırılmış Pakistan ali məhkəməsinin sədri bu gün öz
işinə bərpa olunub. İftixar Məhəmməd Çoudri paytaxt İslamabadda Ali Məhkəmə
binasına daxil olan zaman kütlə onu gül-çiçək içərisində böyük sevinclə
qarşılayıb. Daha sonra məhkəmə zalıdna
çoxsaylı insanın qarşısında Çoudri deyib ki, indi Pakistanın həqiqi məhkəmə
hakimiyyəti bərqərar olunur. O, habelə vəkilləri sistemdə korrupsiyanı ləğv
etməyə çağırıb. 2007-ci ildə sabiq prezident Pərviz Müşərrəf İftixar Çoudri və
digər 60 hakimi istefaya göndərmişdi. Ötən həftə isə hazırkı prezident Asif Əli
Zərdari müxalifətin tələblərinə boyun əyərək bir həftəlik nümayişlərdən sonra
Çoudrini vəzifəsinə bərpa etdi.