Hindistan polisi deyir ki,
ölkənin şimal-şərqində baş verən 2 bomba partlayışı 7 nəfərin həyatına son
qoyub. Rəsmilər deyir ki, hücum nəticəsində onlarla insan yaralanıb. İlk
partlayış Assam ştatının paytaxtı Qahati şəhərində olub. Bir neçə saat sonra
ikinci bomba Dekiaculi şəhərində işə düşüb. Polis hücumü yaraqlı qrup olan
Assam Birləşmiş Azadlıq Cəbhəsinin həyata keçirdiyini iddia edir. Sabah 30
illiyini qeyd edən yaraqlı qruplaşma etnik assamların müstəqil dövlətinin
yaranması uğrunda mübarizə aparır. Bu hücum Hindistan baş naziri Manmohan
Sinqin Assam səfərindən bir gün öncə həyata keçirilib. Baş nazir bu ay
seçkilərdən öncə ştatda tərəfdarları qarşısında çıxış etməlidir.