Accessibility links

Məhəmməd Əl-Baradei Şimali Koreyanın nüvə obyektini yenidən işə sala biləcəyini deyib


Beynəlxalq Atom Enerjisi Agentliyinin başçısı deyib ki, Şimali Koreya özünün nüvə obyektini bir neçə aydan sonra yenidən işə sala bilər. Pekində jurnalistlərlə danışan Məhəmməd Əl-Baradei əlavə edib ki, onun fikrincə, Şimali Koreyanın nüvə proqramını dayandırmasına yönəlmiş altı-tərəfli danışıqları da bərpa etmək mümkündür. Şimali Koreya altı-tərəfli danışıqları keçən həftə dayandıraraq, beynəlxalq müfəttişlərin ölkədən çıxarılmasını tələb etmiş və nüvə proqramına yenidən başlayacağına söz vermişdir. Bu addımlar BMT-nin Təhlükəsizlik Şurasının Şimali Koreyanın aprelin 5-də fəzaya raket buraxmasını təndiq etməsindən sonra atılmışdır. Əl-Baradei bu son inkişaflarla bağlı narahatlığını ifadə etmiş, lakin demişdir ki, o, ABŞ prezidenti Barak Obama administrasiyasının nümayiş etdiyi açıqlığın danışıqların bərpasına kömək edəcəyinə nikbinliklə baxır.

XS
SM
MD
LG