Accessibility links

Barak Obama maliyyə intizamına səsləyir


Həftəlik radio müraciətində ABŞ prezidenti Barak Obama hökumətin səmərəliliyini artırmaq və xərcləri azaltmaq planı açıqlayıb. Cənab Obama ümid etdiyini bildirib ki, o, uzun müddətli firavanlığın və maliyyə intizamının əsasını qoya biləcək. O, Konqresi PAYGO qanununu qəbul etməyə çağırıb ki, bu sənəd yeni proqramların yalnız maliyyə mənbələri açıqlandıqdan sonra təsis olunmasını təsbit edir. ABŞ Senatoru Lamar Aleksandr Respublikaçıların cavab müraciətində ölkənin xarici neftdən asılılığını azaltmaq üçün ölkədə 100 yeni atom elektrik stansiyası inşa etməyi təklif edib. Fransanı misal gətirən senator bildirib ki, bu ölkədə enerjinin 80 faizi nüvə enerjisidir. ABŞ-da isə bu rəqəm 20 faiz təşkil edir. Aleksandr bildirib ki, günəş, külək və bioenerji inkişaflarına ayrılan hökumət subsidiyaları ehtiyacları ödəyə bilməz. Belə ki, bu mənbələr hazırda Amerikada enerji istifadəsinin 2 faizini təşkil edir.
XS
SM
MD
LG