Gürcüstan paytaxtı Tbilisidə müxalifət fəalları hökumət əleyhinə hər gün keçirilən aksiyalar barədə
ətraflı məlumat verilməsi tələbilə bu gün yenidən dövlət telekanalının önünə
toplaşıb. Nümayişçilər bu gün səhər telestansiyanın qarşısına yığışaraq keçən
jurnalistləri lağa qoyublar. Müxalifət tərəfdarları telekanalı etiraz
aksiyaları barədə məhdud və neqativ məlumatlar verməkdə günahlandırır. Keçən
həftə polislə toqquşma zamanı 3 nəfər həbs ediləndən sonra fəallar telekanalın
önündə aksiyaları dayandırmışdı. Müxalifət liderləri deyir ki, prezident Mixail
Saakaşvilinin hakimiyyətin bölüşdürülməsi təklifi ilə razılaşmayandan sonra
onlar daha böyük aksiyalar keçirməyə söz verib. Nümayişçilər prezidentin
istefasını tələb edirlər.