BMT-nin ali rəsmisi deyib ki, Şri Lankanın
keçmiş müharibə zonası dağılmış vəziyyətdə görünür. Bu, münaqişənin Tamil
Pələnglərinin məhvi ilə bitməsindən sonra ilk müstəqil qiymətləndirmədir. BMT
nümayəndəsi Vicay Nambiar dünən vertolyotla münaqişə zonasına səfər edib. O, bu
gün Kolomboda jurnalistlərə deyib ki, orada ciddi dağıntılar baş verib. Nümayəndənin sözlərinə görə, mülki əhalinin münaqişə
zonasında qalmasına dair işarələr yoxdur və orada vəziyyət dəhşətli
görünür. Vicay Nambiar BMT baş katibi
Ban Ki Mununun ofisinin rəhbəridir. Cənab Munun özünün də bu gün Şri lankaya
gələrək münaqişə zonasına və məcburi köçkünlərin məskunlaşdığı ətraf
düşərgələrə baş çəkəcəyi gözlənilir.