BMT-nin qaçqınlar üzrə agentliyi
Pakistanın şimal-qərbində Taliban yaraqlılarına qarşı keçirilən hərbi
əməliyyatlar üzündən hər gün yurdundan 126
000 insanın qaçdığını bildirib. BMT-nin qaçqınlar məsələsi üzrə nümayəndəsi ancaq son bir ay ərzində Svat vadisi və onun
yaxınlığındakı bölgələrdən didərgin
düşənlərin sayının 2,4 milyona çatdığını deyib. İnsan hüquqları təşkilatı Human Rights Watch didərgin düşən milyonlarla mülki vətəndaşın ərzaq, su və tibbi ləvazımata böyük
ehtiyacları olduğunu bildirib. Təşkilatın nümayəndəsi Bred Adams konflikt zonalarında humanitar fəlakətin baş
verdiyi barədə xəbərdarlıq edib.