Şimali
Koreya deyir ki, leysan yağışları paytaxt Pxenyan və başqa regionlara ciddi
zərər vurub. Son bir neçə gün davam edən
yağışlar iki il bundan öncə baş verən və çoxlu sayda insanın ölümü ilə
nəticələnən daşqının təkrarı haqda qorxulara yol açıb. Rəsmi Koreya Mərkəzi Xəbər Agentliyi bildirir
ki, Pxenyan və cənub bölgələrində 30 santimetr səviyyəsində yağış qeydə alınıb. Agentlik dəyən zərərin miqyası haqda məlumat
verməyib. 2007-ci ildə baş verən daşqın
nəticəsində azı 600 adam həlak olmuş və iqtisadiyyatın bütün sektorlarına
nəhəng ziyan dəymişdi.