Fransa
prezidentinin idarəsi deyir ki, İran fransız müəllimə Klotild Reysi zaminə
buraxıb. O, İran prezidentinin ikinci müddətə seçilməsi əleyhinə keçirilən
nümayişlər zamanı casusluq ittihamı ilə məhkəməyə cəlb olunmuşdu. Prezident
Nikola Sarkozi deyib ki, o, telefon vasitəsilə Reyslə danışıb və hazırda Reysin
səhhəti və əhval-ruhiyyəsi yaxşıdır. Reys
haqqında qərar çıxanadək Fransanın Tehrandakı səfirliyində qalacaq. Fransa
xarici işlər naziri Bernard Kuşner televiziya ilə çıxışında deyib ki, Fransa
Reysin azadlığa çıxması qarşılığında zamin qoyub və bu məbləğ çox deyil. Reys
nümayişçilər barədə məlumat toplamaq, şəkillər çəkmək və onları xarici
göndərməklə casusluq etməkdə ittiham olunub. Bununla yanaşı, İran iyundakı
prezident seçkilərindən sonra baş qaldırmış iğtişaşlarla bağlı əlavə 28
məhbusun məhkəmə işinə baxıb. İranın rəsmi mətbuat orqanının bildirdiyinə görə,
məhkəmədə açıqlanan ittihamnamə 28 nəfəri 12 iyun prezident seçkilərindən
sonrakı iğtişaşları hələ illər əvvəl planlaşdırmaqda ittiham edir. Bu,
seçkilərdən bəri keçirilən 3-cü siyasi məhkəmədir.