Şotlandiya ədliyyə naziri Kenni MakAskill Lokerbi üzərində təyyarəni partlatmış terminal xəstəliyi olan terrorçunu Liviyaya qaytarması barədə qərarını müdafiə edib. O, bu gün şotlandiyalı qanunvericilərə bildirib ki, Əbdel Baset Əl-Meqrahini həbsxanadan azad etməzdən əvvəl o, qurbanların ailələri və yüksək rütbəli ABŞ rəsmiləri ilə məsləhətləşmələr aparıb. MakAskill bildirib ki, o, bu qərarı qəbul edərkən Şotlandiya qanunlarına riayət edib.
Meqrahi 1988-ci ilin dekabrında Panam-103 nömrəli reyslə hərəkət edən təyyarəni Şotlandiyanın Lokerbi şəhəri üzərində partlatmaqda günahlandırılır. Həmin hücum zamanı 200 amerikalı daxil olmaqla, 270 adam həlak olmuşdu.