Amerikanın siyasi spektrumunun nümayəndələri
77 yaşında
dünyasını dəyişən ABŞ senatoru, Amerikanın ən nüfuzli siyasətçilərindən olan Edvard
Kennediyə son ehtiramlarını bildirirlər. Amerikanın sabiq prezidenti Con F.
Kennedinin ən kiçik qardaşı Ted Kennedi beyin xərçəngindən iztirab çəkirdi. Senator
Kennedi çərşənbə axşamı gecə Massaçusetts ştatının Hayannis şəhərindəki evində
vəfat edib.
ABŞ prezidenti Barak Obama Kennedinin ədalət və bərabərlik uğrunda mübarizədə əvəzsiz rol oynadığını
deyib. Prezident senatorun baxışlarının
qanunlar və milyonlarla amerikalının mənafeyinə xidmət etdiyini deyib.
ABŞ
qanunvericiləri və bütün sabiq prezidentlər
Edvard Kennedinin səhiyyə xidmətləri ilə yanaşı, vətəndaş hüquqları,
təhsil, mühacirət kimi liberal məsələlərin həllindəki rolunu yüksək
qiymətləndirib. Xarici ölkələrin sabiq və hazırkı liderləri senatorun vəfatına
görə dərin kədər hissini ifadə ediblər.