Bu həftənin əvvəllərində Əfqanıstana
qaytarılan Quantanamo məhbusu Məhəmməd
Cavadın vəkili Amerika hökumətinin yol
verdiyi səhvləri qəbul etməməsinin narahatlıq doğurduğunu deyib. Erik Montalvo bildirib ki, Obama administrasiyasının
bu yanlışlıqlar və problemlərin mövcudluğunu qəbul edərək, onların düzəlişi
qərarına gələcəyinə ümid bəsləyir. 7 il Quantanamoda saxlanılan Məhəmməd Cavad
məhbusların ən cavanı idi.
Hazırda 21 yaşı olan Cavad 2002-ci ildə Kabildə nömrəsiz bir maşına
qumbara yerləşdirmək ittihamı altında idi. Həbs edildikdən bir ay sonra
Quantanamoya göndərilən Məhəmməd Cavadın müharibə cinayətləri işində dəlillər
olmaması və onun yaşının azlığı azadlığa buraxılmasına imkan yaratmışdı. Kuba ABŞ hökumətini məhkəməyə verməyə
hazırlaşır.