ABŞ-ın
sabiq vitse-prezidenti Dik Çeyni deyir ki, dindirmə metodlarının qanuniliyini
yoxlamaqla Ədliyyə Nazirliyi siyasi addım atır. Çeyni Fox News-a müsahibəsində deyib ki, baş prokuror Erik Holderin
Mərkəzi Kəşfiyyat Agentliyindən olan personal üzərində təhqiqat aparması
dəhşətli presedentin əsasını qoyur. ABŞ-ın Kubadakı Quantanamo həbsxanasında
terror şübhəliləri deyib ki, Buş administrasiyası dövründə onlara qarşı kobud
dindirmə metodlarından istifadə olunub. Dik Çeyni isə həmin dövrdə ABŞ-ın
vitse-prezidenti olub. Çeyninin tənqidini rədd edən demokrat senator Con Kerri
sabiq vitse prezidentin konstitusiya və qanuna hörmətsizlik göstərdiyini deyib.