ABŞ-ın
Şimali Koreya üzrə xüsusi nümayəndəsi deyir ki, Pxenyan nüvə bombası
hazırlanmasına yol açan uran zənginləşdirilməsinin son mərhələsini həyata
keçirdiyi barədə hesabata aydınlıq gətirməlidir. Stefan Bosvort bu gün Seulda
jurnalistlərə açıqlamasında ABŞ-ın uranın yüksək səviyyədə zənginləşdirilməsinə
dair belə hesabatları ilk dəfə almadığını bildirib. Ancaq o deyib ki, əgər
Şimali Koreya yarımadadan nüvə silahlarının aradan qaldırılmasında inkişafa
nail olmaq istəyirsə məqsədlərinə aydınlıq gətirməlidir. Bosvort Seul səfərinin
sonunda Cənubi Koreya xarici işlər naziri Yu Myunq Hvanla görüşüb. Cənubi
Koreyaya Çindən səfər edən ABŞ nümayəndəsinin növbəti dayanacağı Yaponiya
olacaq.