Filippin sahilləri yaxınlığında gəminin batmasından 24 saat sonra bir qadın xilas edilib. Lita Kasumlum adlı qadın gəminin batdığı yerdən 13 km-lik məsafədə aşkar edilib. Bazar günü baş verən qəzadan 900-ə yaxın sərnişin və gəmi heyəti üzləri xilas edilib. Gəmi batmazdan əvvəl insanları digər bir gəmiyə köçürməklə onların xilas edilməsinə nail olunub. 9 nəfərin həlak olduğu xəbər verilir. Filippinin Sahil qvardiyasının verdiyi məlumata görə, 1 adam itkin düşüb. Filippin Asiyada dəniz təhlükəsizliyi baxımından olduqca pis göstəricilərə malikdir. Ötən il gəmi qəzasında 800 adam həlak olmuşdu.