İran
prezidenti Mahmud Əhmədinejad hökumətinin dünya gücləri ilə mübahisəli nüvə
proqramından başqa bütün mövzularda danışıqlar aparmağa hazır olduğunu
bildirib. Bü gün İranın rəsmi mətbuat orqanı cənab Əhmədinejada istinadən
bildirib ki, İran beynəlxalq əməkdaşlıqla yanaşı, qlobal, iqtisadi və
təhlükəsizlik problemlərinin həllində birgə işləməyə hazırdır. Ancaq İran prezidentinin
sözlərinə görə, dinc mahiyyətli nüvə texnologiyasının əldə olunması İranın
hüququ və təxirəsalınmaz haqqıdır və Tehran öz “toxunulmaz hüququ” barədə heç
kəslə danışıqlar aparmayacaq. Obama administrasiyası bildirib ki, Tehranın rədd
etməsinə baxmayaraq, onlar İranla qarşıdakı danışıqlarda nüvə proqramı
məsələsini gündəmə gətirəcəklər. Qərb dövlətləri İranı nüvə silahı əldə etmək
üçün uranı zənginləşdirməkdə günahlandırır. Tehran isə təkidlə bildirir ki,
proqram dinc mahiyyət daşıyır.