ABŞ Mərkəzi Bankının rəhbəri iqtisadi tənəzzülün yəqin ki, sona çatdığını bəyan
edib, lakin xəbərdarlıq edib ki, amerikalıların bunu hiss etməsi bir neçə ay
vaxt apara bilər. Federal Ehtiyatlar
Bürosunun sədri Ben Bernanke bildirib ki, göstəricilər iqtisadiyyatın yenidən
artdığını və gələn il artmaqda davam edəcəyini göstərir. Lakin o, iqtisadi proqnozlarla razılaşaraq
əlavə edib ki, iqtisadiyyat uzun müddət yeni iş yerləri yaratmayacaq və
işsizlik bir müddət yüksək olaraq qalacaq.
Bernankenin iqtisadiyyatla bağlı baxışları başqa yüsksək rütbəli ABŞ rəsmisinin
görüşləri ilə təzad təşkil edir. Maliyyə
naziri Tim Qaytner bildirib ki, administrasiya işsiz amerikalılar iş tapmayınca
iqtisadi geriləmənin bitməsinə əmin olmayacaq.
Onun sözlərinə görə Amerika hələ o nöqtəyə çatmayıb.