NATO
Rusiyaya yeni əməkdaşlıq təklif edərək tərəflərin müdafiə məsələləri üzrə birgə
işləməyinin vacibliyini qeyd edib.
Brüsseldə çıxış edən NATO baş katibi Andres Foq Rasmussen 21-ci əsrin
sınaqlarına sinə gərmək üçün məsələlərin birgə nəzərdən keçirilməsinə
çağırıb. O, öz çıxışında Rusiya Avropa
və beynəlxalq təhlükəsizlikdə tərəfdaş adlandırıb. Rasmussen deyib ki, Rusiya, NATO və ABŞ
lazımi vaxtda raket müdafiə sistemlərini əlaqələndirməlidir. Rusiyanın NATO üzrə elçisi Dmitri Roqozin
Rasmussenin bəyanatını çox müsbət və çox konstruktiv adlandırıb. O, təkliflərin birgə təhlil olunmasına
çağırıb. Ötən il Rusiyanın Gürcüstana
hərbi müdaxiləsindən sonra NATO ilə Rusiya arasında münasibətlər soyumuşdu.