Rusiya
deyir ki, ABŞ prezident Barak Obamanın Mərkəzi Avropada raketdən müdafiə
planını təxirə salmasından sonra, Kreml də Polşa yaxınlığında oxşar qurğuların
yerləşdirilməsi planını ləğv edib. Radio
müsahibəsi zamanı Rusiya müdafiə nazirinin müavini Vladimir Popovkin deyib ki,
cənab Obamanın addımı Kaliningrad regionunda qısa-mənzilli İskəndər
raketlərinin yerləşdirilməsini lüzumsuz edir. Prezident Obama iki gün öncə bildirmişdi ki, o, planlaşdırılmış raketdən
müdafiə sistemini dəyişərək ABŞ və onun NATO müttəfiqlərinin İrandan qaynaqlanan
təhlükədən müdafiəsi üçün yeni yanaşma nümayiş etdirəcək. Moskva əvvəlki plana
sərt etiraz edərək, bunun Rusiyanın təhlükəsizliyinə hədə törətdiyini dilə
gətirmişdi. ABŞ-ın bəzi Respublikaçı liderləri və Şərqi Avropa siyasətçiləri
cənab Obamanın son addımı tənqid edib.