Yəmən hökuməti ölkənin şimal bölgəsində hökumətə qarşı
vuruşan qiyamçılara şərti atəşkəs müqaviləsinin bağlanmasını təklif edib.
Hökumət dünən gecə açıqladığı bəyanatda qiyamçıları müqəddəs Ramazan bayramı
münasibətilə atəşkəsə çağırıb. Döyüşlər
hökumətlə Əl Huto qiyamçıları arasında ölkənin şimal bölgəsindəki Səada şəhəri
ətrafında gedir. Hökumət bildirir ki, əgər qiyamçılar atəşkəs üçün irəli sürdüyü 6 şərti qəbul
etsələr,onlarla müvəqqəti atəşkəs müqaviləsi bağlaya bilər. Şərtlərə regionı tərk etmək, hücumlara son
qoymaq, yerli hökumət işlərinə müdaxilə etməyin dayandırılması daxildir. Yəmən hökumət qüvvələri 5 ildir ki, vaxtaşırı
şiə Zeydi təriqətindən olan qiyamçılarla toqquşur.