Pakistan rəsmiləri dünən BMT-nin İslamabaddakı Dünya Ərzaq Proqramı binasında
həyata keçirilən intiharçı hücumun məsuliyyətini Taliban öz üzərinə götürüb. Taliban
sözçüsü Əzim Tariq 5 BMT işçisinin ölümü, 5-nin yaralanması ilə nəticələnən
partlayışın arxasında onun təşkilatının durduğunu deyib. O bildirib ki, Taliban
onun ölkəsində fəaliyyət göstərən Dünya
Ərzaq Proqramı kimi beynəlxalq təşkilatların Birləşmiş Ştatların maraqlarına
xidmət etdiyinə inanır. Pakistanın Daxili İşlər Nazirliyi isə Talibanın bununla
Svat Vadisində və Cənubi Vəziristanda yaraqlılara qarşı hərbi əməliyyatların intiqamını
aldığını deyir. Daxili işlər naziri Rəhman Malik dünən bildirmişdi ki, təhlükəsizlik
qüvvələrinin yuniformasını geymiş intiharçı Dünya Ərzaq Proqramı binasının
lobbisində 8 kiloqrama qədər partlayıcı maddəni işə salıb.