İraq
parlamenti yanvar ayında keçirilməsi planlaşdırılan ümummilli seçkilərin tələb
etdiyi seçki qanununu qəbul edib. İraq qanunvericiləri neftlə
zəngin qarışıq etnik tərkibə malik Kərkük şəhəri təmsilçiləri üçün yerlərin
bölüşdürülməsinə dair başlıca mübahisəyə son qoyaraq, bu gün seçki qanununu
təsdiqləyib. İraq kürdləri Kərkükün onların müxtar regionuna daxil edilməsini
istəyirdi. Ancaq şəhərin bir çox ərəb və türkmən sakini belə bir addıma etiraz
edərək, İraq mərkəzi hökumətinin nəzarətində qalmaq istəyirdirdilər. İraqın
Seçki Komissiyasının sədri Fərəc Əl-Heydəri demişdi ki, qanunun qəbul
olunmasında ləngimələr planlaşdırılmış yanvar seçkilərinin keçirilməsini
çətinləşdirə bilər. İraq Baş naziri Nuri Əl-Maliki İraqda yeni xaos dalğası baş
qaldıra bilməsi və zorakılıqların seçkilərin keçirilməsinin qarşısının ala
bilməsi barədə xəbərdarlıq edib.