ABŞ
prezidenti Barak Obama və onun çinli həmkarı Hu Cintao Pekində keçirdikləri
zirvə toplantısında iqlim dəyişikliyi, nüvə tərk silahı və başqa qlobal
məsələlər üzrə birgə işləyəcəklərinə söz veriblər. Xoş məramın ifadə edilməsindən savayı görüşdə
başqa ciddi irəliləyiş baş verməyib. Cənab
Obama fürsətdən istifadə edərək insan hüquqları məsələsini qaldırdı və Çini öz
pul vahidinin dəyərinin artmasına imkan verməyə səslədi. Xüsusi olaraq ABŞ prezidenti Tibetdən söz
açdı və Çin rəhbərliyini mühacirətdə olan lider Dalay Lama ilə danışıqlara
başlamağa çağırdı. Görüşdən sonra media
ilə danışan cənab Obama bildirdi ki, hər iki millət 21-ci əsrin sınaqları ilə
üzləşir. Cənab Hu görüşdə proqres əldə
edildiyini söyləyərək ümumi sınaqlara sinə gərmək üçün konkret əməllərə
səslədi.