İqtisadçı ekspert Toğrul Cuvarlı hesab edir ki, Azərbaycana yönəlmiş xarici investisiyalar 2004-cü illə müqayisədə iki dəfə azalıb. Onun fikrincə, “bu iqtisadiyyat üçün yaxşı siqnal deyil”.
Ekspert investisiyaların azalmasını qlobal iqtisadi böhran, neftin qiymətinin aşağı enməsi və daxildə investisiya mühitinin olmamasında görür. “Kənardan müşahidə edəndə Azərbaycanda iqtisadi mühit azad görünür. Amma daxilə gəlincə investisiya mühiti azad deyil. İqtisadiyyatın neftdən asılılığı və inhisarçılıq azadlıq mühitini boğur. Bu səbəbdən xarici investorlar qeyri neft sektoruna vəsait yönəltməyin riskli olduğunu görür”.
