Accessibility links

ABŞ Senatı səhiyyə debatlarını bitirdi


ABŞ senatorları səhiyyə islahatları qanun layihəsi ilə bağlı debatı bitirməyə səs veriblər. Onlar Milad bayramından öncə qanunu qəbul etməyə tələsirlər. Bazar ertəsi erkən saatlarla davam edən mübahisəli debatlardan sonra 60:40 nisbətində Demokratlar səsvermədə qalib çıxıb. Bütün Respublikaçılar debatı sona çatdırmağın əleyhinə səs verib. Bununla da Senat qanun layihəsi üzərində final səsverməyə bir addım da yaxınlaşmış olur. Nümayəndələr Palatası artıq səhiyə islahatları üzrə qanun paketinin özünəməxsus variantını təsdiq edib. Milad bayramından sonra qanunun Senat və Nümayəndələr Palatası variantlarının uzlaşdırılması üçün çətin debatların başlanacağı gözlənilir. Prezident Barak Obama qanunu gələn ilin əvvəlində imzalamağa can atır. Təklif olunan qanun layihəsi əksər amerikalılardan səhiyyə sığortasına abunə olmağı tələb edəcək və əlavə 31 milyon amerikalını sığortalayacaq.
XS
SM
MD
LG