Amerikanın ali hərbi liderlərindən birinin sözlərinə görə, Yəməndə
qərarlaşan terrorçular dekabrın 25-də ABŞ-a gələn təyyarənin partladılması
planına kömək edib. General Deyvid Petraus Bağdadda jurnalistlərə deyib ki, ABŞ
və Yəmən 25 dekabr hadisəsi də daxil olmaqla, ölkədə Əl-Qaidə ilə bağlı
məlumatları bölüşür. Birləşmiş Ştatları mərkəzi komandanlığının başçısı deyib
ki, Yəmən Əl-Qaidəyə qarşı tutarlı əməliyyatlar həyata keçirib və bu
əməliyyatlar nəticəsində bir çox intiharçı hücumlarının qarşısı alınıb. Bu
arada Somali yaraqlı qrupu olan Əl-Şababın bildirdiyinə görə, qruplaşma
Əl-Qaidəyə yardım məqsədilə Yəmənə öz döyüşçülərini göndərəcək. Əl-Şababın
yüksək səviyyəli nümayəndəsi deyib ki, qrup Yəmən hökumətinə qarşı döyüşən
yaraqlılara yardım üçün dənizin o biri tayına keçəçək.