Yəmən
hökuməti bildirir ki, ABŞ təyyarəsini partlatmağa cəhd göstərən nigeriyalı
keçən il Yəməndə radikal amerikalı ruhani Ənvər əl-Aulaki ilə görüşüb. Bu gün
Sənada jurnalistlərə açıqlama verən Yəmən baş nazirinin müdafiə və
təhlükəsizlik məsələləri üzrə müavini Rəşad Əl-Aliminin sözlərinə görə,
nigeriyalı Ömər Faruk Əbdülmütəllib Ənvər Əl-Avlaki ilə ölkənin cənub-şərq
vilayəti olan Şabvada görüşüb. ABŞ rəsmilərinin bildirdiyinə görə, Avlakinin
noyabr ayında Texasdakı hərbi bazada 13 nəfəri qətlə yetirən ABŞ hərbi
psixiatoru ilə də təması olub. Məlumatda bildirilir ki, mayor Nidal Həsən Fort
Hud hərbi bazasında hücum həyata keçirməmişdən bir neçə aylar öncə e-mail
vasitəsi ilə Əl-Qaidə tərəfdarı olan Avlaki ilə əlaqə qurub.