Accessibility links

Haiti prezidenti əlavə yardıma çağırır


Haiti prezidenti Rene Preval 200 min nəfərin ölümü və paytaxtın böyük hissəsinin dağılması ilə nəticələnən zəlzələdən sonra evsiz qalan insanlar üçün əlavə 200 min çadıra ehtiyac olduğunu bildirib. Yalnız paytaxt Port-o-Prinsdə 1 milyondan çox insan evsizdir və onların çoxunun yardıma ehtiyacı var. Səhiyyə naziri Aleks Larson deyib ki, hökumət 400 min insanın dağılmış şəhərdən kənarda salınmış müvəqqəti çadır düşərgələrinə köçürülməsinə çalışır. ABŞ hərbi personalı və BMT sülhməramlıları ilə yanaşı, qeyri-hökumət yardım agentlikləri insanlara ərzaq, su və tibbi təchizat çatdırmağa çalışır. BMT sülhməramlılarının yardım paylama mərkəzlərindən birində mərkəzi ələ keçirməklə hədələyən ac haitililəri sakitləşdirmək üçün xəbərdarlıq atəşi açılıb.
XS
SM
MD
LG