<!-- IMAGE -->Pakistan rəsmiləri bildirir ki, ABŞ-a məxsus olduğu ehtimal
edilən pilotsuz təyyarə hücumu nəticəsində şimal-qərb bölgəsində 3 yaraqlı öldürülüb.
Bir gün əvvəl bu ərazidə oxşar hücum həyata keçirilmişdi. Rəsmilər deyir ki,
pilotsuz təyyarədən atılan raket Şimali Vəziristanın Tapi kəndində bir
avtomobili vurub. Dünən rəsmilər bildirmişdi ki, Mir Əli şəhərindəki təlim
düşərgəsinə raket hücumu nəticəsində 7 yaraqlı ölüb. Yarı-muxtar qəbilə region
Taliban, Əl-Qaidə və Haqqani
qruplaşmalarının sığınacağı kimi istifadə olunur. Bu qruplar sərhədi keçərək
Əfqanıstanda beynəlxalq qüvvələr və əfqan qoşunlarına qarşı hücumlar həyata
keçirməkdə ittiham olunur.