Əfqanıstan milli televiziyasında Birləşmiş Ştatlar və NATO ordusu rəsmilərinin hava hücumları nəticəsində 21 mülki vətəndaşın öldürüldüyünə görə üzr istədikləri nümayiş etdirilib. Dari və paştu dillərinə tərcümə edilmiş müraciətdə Birləşmiş Ştatlar generalı Stenli Makkristal keçən həftə Uruzqan vilayətindəki hava hucumları nəticəsində ölənlərə görə təəssüfləndiyini bildirib və əfqan xalqının etimadını qazanacağına vəd edib.
Əfqanıstan polisinin bildirdiyinə görə, NATO və Əfqanıstan
ordularının Taliban yaralılarına qarşı genişmiqyaslı əməliyyatlar keçirdikləri
Helmənd vilayətində baş verən partlayış 8 nəfərin ölümünə, 16-nın yaralanmasına
səbəb olub. Polis bomba hücumunun bu gün vilayətin paytaxtı Ləşkər Gahda həyata
keçirildiyini bildirib.