BMT-nin silahlar üzrə baş müfəttişləri İraqın rəsmi nümayəndələrinin daha sıx əməkdaşlıq edəcəkləri və’dindən sonra bu gün ölkəni tərk ediblər. BMT-nin baş müfəttişi Hans Bliks və Beynəlxalq Atom Enerji agentliyinin başçısı Məhəmməd ElBaradey bildiriblər ki, İraq müfətitişlərin alimlərin təkbətək dindirilməsinə yardım etmək və BMT-nin Təhlükəsizlik Şurasına əvvəllər haqqında mə’lumat verilməyən silah başlıqlarının axtarışına kömək etməyə söz verib. Ağ Ev bildirir ki, administrasiya İraqın sözdə dedikləri deyil, yalnız gördükləri işlərə əhəmiyyət verir.