Birləşmiş Ştatların Dövlət Departamenti Əl-Qaidənin amerikalılara qarşı xarici ölkələrdə mümkün hücumları ilə bağlı xəbərdarlıq edib. Xəbərdarlıqda Avropa və Asiya ölkələrinin mümkün hücumların hədəfi ola biləcəyi deyilir, lakin Əl-Qaidənin Amerikanın özündə daha bir dəhşətli hücum keçirə bilməsi də istisna edilmir. Burada göstərilir ki, bioloji və kimyəvi silahlardan istifadə edilməklə baş verə biləcək mümkün hücumlar 2001-ci ildə üç minə yaxın adamın ölümülə nəticələnmiş sentyabrın 11-i hücumlarından daha dağıdıcı ola bilər.