Yüzlərlə afrikalı qulun skeleti bir daha torpağa tapşırılmaq üçün Nyu York şəhərinə qaytarılıb. 400 afrikalı qulun qalığı gəmi ilə Manhattan adasındakı 17 və 18-ci əsrlərdə qulları daşıyan gəmilərin lövbər saldığı doka gətirilib. Skeletlər 12 il əvvəl Nyu York şəhərində bir binanın inşası zamanı aşkar edilmişdi. Daha sonra onlar təhqiqat üçün Vaşinqtonda yerləşən Hovard Universitetinə göndərilmişdi. Ekspertizanın nəticələri qulların çoxunun başlarından zərbələr aldığını və onların 40-80 kiloqramlıq yükləri daşımağa məcbur edildiyini göstərib.