Avropa Komissiyasının apardığı son ictimai rəy sorğusu İsrailin dünyaya Şimali Koreya, İran və ya Əfqanıstandan daha artıq təhlükə hesab edildiyini göstərib. Sorğunun “İnternational Herald Tribun”da nəşr edilən nəticələrindən mə’lub olub ki, 7 500 avropalı respondentin 59 faizi İsraili dünya sülhünə hədə bilir. Holokost qurbanlarının xatirəsini yaşadan Simon Vayzental mərkəzi sorğunu irqçiliyin nəticəsi kimi qiymətləndirib. Bundan əlavə respondentlərin üçdə iki hissəsi İraq müharibəsinin haqsız olduğu və Amerikanın İraqın yenidən qurulmasının tam xərcini çəkməli olduğunu bildirib.