Gürcüstanın muxtar Abxaziya respublikasının təhlüksizlik xidmətinin başçısı Givi Aqrba Suxumi şəhər qəbiristanlığındakı partlayışı terror aksiyası kimi qiymətləndirib. Partlayış zamanı xəsarət alan olmayıb, məzarlara ziyan dəyməyib. Cənab Arqba hadisəni Gürcüstanın yanvar ayının 4-ü keçiriləcək prezident seçkiləri ilə əlaqələndirib. Onun bildirdiyinə görə həmin bölgədə hücum planlaşdırdığından şübhələnilən 2 şəxs saxlanılıb.