Gürcüstanın Mərkəzi Seçki Komissiyası prezident seçkilərinin nəticələrinin sabaha qədər elan edilməyəcəyini bildirir. İlkin nəticələrə əsasən bazar günü seçkilərdə Mixail Saakaşvilinin səslərin 95 faizini əldə edərək qələbə çaldığı bildiirlir. Yanvar ayının 25-i inaqurasiya günü elan edilib. Ağ Evin bildirdiyinə görə dünən prezident Buş Mixail Saakaşvilini təbrik etmiş, onun korrupsiya ilə mübarizə, habelə demokratik və istisadi islahatlar planının Amerika tərəfindən dəstəkləndiyini demişdir. Gürcüstanın rəsmi nümayəndəsi prezident Buşun cənab Saakaşvilini Amerikaya dəvət etdiyini bildirmişdir.