Özəkistanın rəsmiləri Dəşkənd ətrafında təhlükəsizlik qüvvələrilə terrorçu olduqlarından şübhənilən yaraqlılar arasında baş verən döyüşlərdə 20 yaraqlının öldürüldüyünü bildirirlər. Döyüşlər prezident İslam Kərimovun iqamətgahı yaxınlığında baş verib. Birləşmiş Ştatların Əfqanıstanda terrorçulara qarşı mübarizənin mühüm müttəfiqlərindən olan Özbəkistan öz hava bazalarını Amerikanın hərbi hava qüvvələrinin istifadəsinə verib. Dəşkənd və Buxarada baş verən partlayışlardan sonra ölkənin bütün rayonlarında təhlükəsizlik tədbirləri gücləndirilib.