Latviya rəsmiləri Rusiya diplomatını casusluqda şübhəli bilərək ölkədən çıxarıblar. Xarici işlər nazirliyinin rəsmiləri diplomatın kimliyi haqda məlumat verməmiş, lakin onun NATO-nun fəaliyyətləri və Latviyanın xarici və daxili siyasətilə əlaqədar informasiya topladığını bildirmişlər. Moskvada Rusiya xarici işlər nazirliyi Latviyanın bu addımını provokasiya adlandıraraq pisləmişdir. Bu, 1991-ci ildə müstəqillik əldə etdikdən sonra Latviyanın ölkədən çıxardığı ilk xarici diplomatdır.