Rusiya hüquq mühafizə orqanları Yukos neft şirkətinin əmlak qeydiyyatının saxlandığı ofisdə axtarışlara başlamışlar. Rus məhkəməsi həmin axtarışa bu gün sanksiya verib. Bu hadisə Yukos rəsmilərinin Faynənşl Taymz qəzetində Mixail Xadorkovskinin hökumətə öz səhmlərinin 44 faizini təslim edəcəyi haqda gedən xəbəri təkzib etdikdən sonraya təsadüf edir. Rusiya Baş Naziri Mixail Fradkovun nümayəndəsi də öz hökumətinin belə bir təklif alması ilə bağlı xəbəri rədd edir.