Azərbaycanın Ağır Cinayətlərə dair Məhkəməsində müxalifət liderlərinin məhkəmə prosesi şahidlərin dindirilməsilə davam edib. Şahidlərdən biri ibtidai istintaqda verdiyi ifadədən imtina edib. O istintaq zamanı dəfələrlə hüquq mühafizə orqanlarının əməkdaşları tərəfindən işgəncələrə məruz qaldığını deyib. Xatırladaq ki, ötən il oktyabrın 15-də keçirilən prezident seçkilərindən sonra baş verən qarşıdurmaya görə prezidentliyə namizəd İsa Qəmbəri dəstəkləyən yeddi müxalifət lideri həbs olunub.