Gürcüstanın baş naziri Zurab Jvaniya separatist Cənubi Oseyatiyanın lideri Eduard Kokoity ilə görüş keçirib. Görüş Rusiyanın cənubi kurort şəhəri Soçidə Rusiyanın xarici işlər nazirinin müavininin iştirakı ilə təşkil edilib. Baş nazir Jvaniya danışıqlarda hər hansısa əsaslı nəticə əldə ediləcəyini gözləmədiyini, lakin danışıqların vaxtına uyğun olduğunu deyib. Cənubi Osetiya Gürcüstandan müstəqilliyini 1990-cı illərin əvvələrində elan etmişdi.