Bu gün Ukraynanın ali məhkəməsi seçkilərin nəticələrinin ləğvi və üç həftədən sonra yenidən səsvermə keçirilməsi ilə bağlı hökm çıxarıb. Bugünkü qərar on minlərlə müxalifət tərəfdarının Kiyevin mərkəzi meydanında aksiyalarını davam etdirdikləri bir vaxt verilib. Kütlə qərarı alqışlamış, müxalifət lideri Viktor Yuşenkonun adını çağırmışlar. Xatırladaq ki, Mərkəzi Seçki Komissiyası baş nazir Viktor Yanukoviçi seçkilərin qalibi elan etmişdi. Xarici müşahidəçilər və müxalifət seçkilər zamanı kütləvi saxtakarlıqlara yol verildiyini bildirmişdilər.