İraqın Mosul şəhəri yaxınlığında bir maşına qarşı hücum nəticəsində 4 adam həlak olub. Şahidlərin dediyinə görə, hücum bu gün şəhərin qərb bölgəsində həyata keçirilib. Həlak olanların 3-nün qərbli, birinin isə onların iraqlı sürücüsü olduğu deyilir. Öldürülənlərin milliyəti barədə məlumat verilməyib. Maşının yanına uzadılmış cəsdələrdən birinin başsız olduğu və hücumdan sonra maşının yandırıldığı bildirilir.