Prezident Buşun inaqurasiyası ilə əlaqədar dörd gün davam edəcək tədbirlər bu gün Vaşingtonda başlayıb. Prezident və Xanım Buş “təhlükəsizlik qüvvələrinə salam” adlı tədbirdə iştirak edəcək daha sonra isə ictimai xidmətə həsr edilmiş konserti dinləyəcəklər. Onlar cüməaxşamı and içmə mərasimindən sonra Vaşingtonda bir neçə banketdə də iştirak edəcəklər. Vaşingtona inagurasiya mərasimləri üçün ölkənin hər tərəfindən minlərlə adam gəlir və mehmanxanalarda yer tapmaq bir qədər çətinləşib.