Bakı şəhərinin keçmiş meri Sənan Əlizadə hesab edir ki, hökumət paytaxtda nizamsız aparılan tikinti işlərinin qarşısını almalıdır. Onun fikrincə, tikintidə kefiyyətsiz materiallar işlədilir və inşaat işləri geoloji baxımdan təhlükəli yerlərdə apırılır.
Cənab Əlizadə artıq paytaxtda yüzlərlə müasir tələblərə cavab verməyən bina tikildiyini deyib. O çoxmərtəbəli evlərin qumla suvanmasının əleyhinədir. Keçmiş mer Bakının mürəkkəb relyefə və geoloji quruluşa malik olduğunu yada salır və hətta tektonik çatların üzərində çoxmərtəbəli binaların inşa edildiyini deyir.