Reportyorların Azadlığı və Təhlükəsizliyi İnstitutu Azərbaycanda söz və mətbuat azadlığının vəziyyəti ilə bağlı hesabatını açıqlayıb. İnstitutun direktoru Emin Hüseynov ölkədə söz və mətbuat azadlığı sahəsində vəziyyətin pisləşməkdə davam etdiyini bildirib. O həmçinin bu ildən "Azərbaycan jurnalistləri söz azadlığı uğrunda mübarizədə (1990-2006-cı ilər)" layihəsinin reallaşdırmağa başlandığını deyib. Proqrama görə, fiziki təzyiqlərə məruz qalan jurnalistlərə hüququ, tibbi və maliyyə yardımı ediləcək. Qurum həmçinin son 16 il ərzində ölkə KİV-lərinə və jurnalistlərinə qarşı törədilmiş qanunsuzluqlarla bağlı faktları, müxtəlif illərdə mətbuat sahəsində baş vermiş hadisələri toplayaraq informasiya bazası yaradır.