“Sülh və Demokratiya” institutunun konfliktologiya departamentinin rəhbəri Arif Yunus Amerika-İran münasibətlərinin yaxın zamanda köklü şəkildə dəyişəcəyinə inanmır. Onun fikrincə, münasibətlər prezident Buş dövründəki kimi daha radikal da olmayacaq. “Ancaq İrana qarşı soyuq müharibə davam edəcək”.
Ekspert İranda prezident seçkilərində liberal qüvvələrin sərt xətt tərəfdarlarına qalib gələcəyini güman etmir. “Hazırkı prezident başqası ilə əvəz oluna bilər. Ancaq yeni seçiləcək prezident də sərt xətt tərəfdarı olacaq. Çünki İrana gələcəkdə də radikal xarici siyasətini davam etdirmək fikrindədir”.
