Əfqanıstanda xidmət göstərən Azərbaycan
sülhməramlılarının sırasına əlavə edilmiş 45 nəfərlik yeni hərbi kontingent bu
gün yola salınıb. Bu barədə Müdafiə Nazirliyinin mətbuat xidməti məlumat yayıb.
Milli Məclis 2008-ci ilin oktyabrında Əfqanıstanda sülhməramlı əməliyyatlarda
iştirak edən hərbiçilərin sayının daha 45 nəfər artırılması barədə qərar qəbul
edib. İndiyədək isə 47 nəfər Azərbaycan sülhməramlısı Türkiyə Silahlı Qüvvələri
taborunun tərkibində Əfqanıstanda qulluq keçirdi.