Siyasi icmalçı Rauf Mirqədirov Türkmənistanın TransXəzər layihəsinə qoşulacağına inanır. Onun fikrincə, Rusiya Türkmənistandan qazı 55 dollara aldığı halda Avropa bazarında dünya qiymətlərinə satır. Bu isə Türkmənistanın sərbəst şəkildə dünya bazarına öz qazını çıxarmasını maraqlı edir.
Şərhçi həmçinin Azərbaycan və ABŞ-ın TransXəzər qaz və neft kəməri ilə bağlı imzaladığı Sazişi Rusiya və İranla açıq mübarizənin başlanğıcı kimi dəyərləndirir. Onun sözlərinə görə, Rusiya ən azı Orta Asiya dövlətlərinə qarşı təzyiq rıçaqlarını gücləndirəcək.